Charla, జూలై 9
చర్ల ప్రాథమిక ఆరోగ్య కేంద్రం (పీహెచ్సీ)లో డా. హారిక ఆధ్వర్యంలో 5.5 కిలోల బరువున్న శిశువు నార్మల్ డెలివరీ ద్వారా జన్మించడం అరుదైన వైద్య ఘనతగా నిలిచింది. ఇంత అధిక బరువున్న శిశువుకు సాధారణ ప్రసవం జరగడం చాలా అరుదని వైద్యులు తెలిపారు. తల్లి, శిశువు క్షేమంగా ఉన్నారు.
చర్ల ప్రాథమిక ఆరోగ్య కేంద్రం (పీహెచ్సీ)లో డా. హారిక ఆధ్వర్యంలో అరుదైన వైద్య ఘనత నమోదైంది. 5.5 కిలోల బరువున్న శిశువు నార్మల్ డెలివరీ ద్వారా జన్మించడం వైద్య వర్గాల్లో విశేషంగా నిలిచింది. ఇంత అధిక బరువున్న శిశువుకు సాధారణ ప్రసవం జరగడం చాలా అరుదైన విషయమని వైద్యులు తెలిపారు.
ఈ విజయవంతమైన ప్రసవాన్ని డా. హారికతో పాటు స్టాఫ్ నర్సులు సుశీల, ఉమారాణి సమన్వయంతో నిర్వహించారు. తల్లి, శిశువు ఇద్దరూ క్షేమంగా ఉన్నారని వైద్యులు వెల్లడించారు.
ఈ సందర్భంగా డిప్యూటీ DM&HO డా. శ్రీధర్ చర్ల పీహెచ్సీని, వైద్య బృందాన్ని అభినందించారు. డా. హారిక, నర్సులు, సిబ్బంది సేవలను ప్రశంసిస్తూ మరిన్ని ఇలాంటి సేవలు అందించాలని ఆకాంక్షించారు.
అదే రోజు పీహెచ్సీలో మరో నార్మల్ డెలివరీ కూడా విజయవంతంగా నిర్వహించారు. ఈ సందర్భంగా డా. హారిక మాట్లాడుతూ, ప్రతి గర్భిణికి సురక్షిత ప్రసవం అందించడమే తమ లక్ష్యమని తెలిపారు. గర్భిణీలను క్రమం తప్పకుండా ANC ఫాలోఅప్ చేయడం, అవసరమైన పరీక్షలు నిర్వహించడం, ANMలు, ఆశా కార్యకర్తలు, వైద్య సిబ్బంది సమిష్టి కృషి వల్లే ఈ విజయాలు సాధ్యమవుతున్నాయని పేర్కొన్నారు.
చర్ల ప్రాథమిక ఆరోగ్య కేంద్రంలో తల్లి–శిశు ఆరోగ్యానికి అత్యంత ప్రాధాన్యత ఇస్తూ నార్మల్ డెలివరీలను ప్రోత్సహిస్తున్న వైద్య బృందం సేవలను స్థానికులు అభినందిస్తున్నారు.
