భద్రాచలం, 07-07-26
భద్రాచలం ఏరియా ఆసుపత్రిలో స్థానిక ఎమ్మెల్యే డాక్టర్ తెల్లం వెంకట్రావు ఆకస్మికంగా తనిఖీలు నిర్వహించారు. రోగులకు అందుతున్న వైద్య సేవలు, సిబ్బంది హాజరు, అత్యవసర విభాగం, మందుల లభ్యత, పారిశుధ్యం వంటి అంశాలను ఆయన క్షుణ్ణంగా పరిశీలించి, వైద్యాధికారులకు పలు సూచనలు చేశారు.
భద్రాచలం నియోజకవర్గ ఎమ్మెల్యే డాక్టర్ తెల్లం వెంకట్రావు స్థానిక ఏరియా ఆసుపత్రిలో ఆకస్మికంగా తనిఖీలు నిర్వహించారు. ఆసుపత్రిలో రోగులకు అందుతున్న వైద్య సేవలు, వైద్య సిబ్బంది హాజరు, అత్యవసర విభాగం, వార్డులు, ఔషధాల లభ్యత, పారిశుధ్యం, తాగునీరు, మరుగుదొడ్ల నిర్వహణ వంటి అంశాలను ఆయన క్షుణ్ణంగా పరిశీలించారు.
ఈ సందర్భంగా చికిత్స కోసం వచ్చిన రోగులు, వారి సహాయకులతో ఎమ్మెల్యే నేరుగా మాట్లాడి ఆసుపత్రిలో అందుతున్న సేవలపై వివరాలు అడిగి తెలుసుకున్నారు. రోగులకు ఎలాంటి ఇబ్బందులు తలెత్తకుండా నాణ్యమైన వైద్య సేవలు అందించాలని వైద్యాధికారులు, సిబ్బందికి సూచించారు.
ఆసుపత్రిలో అవసరమైన మందులు, వైద్య పరికరాలు ఎప్పటికప్పుడు అందుబాటులో ఉండేలా చర్యలు తీసుకోవాలని, అత్యవసర సేవల్లో ఎలాంటి నిర్లక్ష్యం ఉండకూడదని ఆదేశించారు. ఆసుపత్రి పరిశుభ్రత, సిబ్బంది సమయపాలనపై ప్రత్యేక శ్రద్ధ వహించాలని పేర్కొన్నారు.
ఈ సందర్భంగా ఎమ్మెల్యే డాక్టర్ తెల్లం వెంకట్రావు మాట్లాడుతూ, "ప్రభుత్వ ఆసుపత్రులకు వచ్చే ప్రతి పేద రోగికి మెరుగైన వైద్య సేవలు అందించడం ప్రభుత్వ బాధ్యత. ప్రజలకు నాణ్యమైన వైద్యం అందేలా ఆసుపత్రుల పనితీరును నిరంతరం పర్యవేక్షిస్తాం. సేవల్లో నిర్లక్ష్యానికి ఎట్టి పరిస్థితుల్లోనూ తావు ఉండదు" అని స్పష్టం చేశారు.
ఇటీవల ఇదే ఏరియా ఆసుపత్రిలో తీవ్రమైన కాలిన గాయాలతో బాధపడుతున్న ఓ యువకుడికి ఎమ్మెల్యే స్వయంగా వైద్య బృందంతో కలిసి విజయవంతంగా స్కిన్ గ్రాఫ్టింగ్ శస్త్రచికిత్స చేసిన వారి ఆరోగ్య పరిస్థితిలను అడిగి తెలుసుకున్నారు.
