అమలాపురం, 6 July
స్థిరాస్తుల రిజిస్ట్రేషన్ సేవలను ప్రయివేటీకరించే ప్రభుత్వ నిర్ణయాన్ని వ్యతిరేకిస్తూ అమలాపురం దస్తావేజు లేఖర్లు, సహాయకులు, టైపిస్టులు సోమవారం డా.బి.ఆర్.అంబేద్కర్ కోనసీమ జిల్లా జాయింట్ కలెక్టర్ వైఖోం నైదియా దేవి, జిల్లా రిజిస్ట్రార్కు వినతిపత్రం సమర్పించారు. జి.ఓ.నెం.396ను ఉపసంహరించాలని వారు కోరారు.
స్థిరాస్తుల రిజిస్ట్రేషన్ సేవలను ప్రయివేటీకరణ చేస్తూ ప్రభుత్వం విడుదల చేసిన జి.ఓ.నెం.396ను ఉపసంహరించుకోవాలని కోరుతూ అమలాపురం దస్తావేజు లేఖర్లు, సహాయకులు, టైపిస్టులు డా.బి.ఆర్.అంబేద్కర్ కోనసీమ జిల్లా జాయింట్ కలెక్టర్ వైఖోం నైదియా దేవి, జిల్లా రిజిస్ట్రార్కు సోమవారం వినతిపత్రాలను అందజేశారు.
ఈ వినతిపత్రంలో, రిజిస్ట్రేషన్ సేవలను ప్రైవేట్ వారికి అప్పగించడం ద్వారా తరతరాలుగా వస్తున్న దస్తావేజు లేఖర్ల వ్యవస్థను నిర్మూలిస్తున్నారని, దీనివల్ల రాష్ట్రవ్యాప్తంగా ఈ వృత్తిపై ఆధారపడి జీవిస్తున్న సుమారు 12వేల కుటుంబాల ఉపాధి దెబ్బతిని రోడ్డున పడే అవకాశం ఉందని దస్తావేజు లేఖర్లు ఆందోళన వ్యక్తం చేశారు.
అలాగే, దస్తావేజు లేఖర్ల లైసెన్సులను పునఃపరిశీలించి, పునరుద్ధరించాలని వారు కోరారు. ప్రైవేట్ వ్యవస్థలో బ్రోకర్లు, దళారుల వల్ల క్రయవిక్రయదారులు అధిక సొమ్ములు చెల్లించి ఇబ్బందులు పడే అవకాశం ఉందని తెలిపారు. రాష్ట్ర సంఘం పిలుపు మేరకు దశలవారీగా ఆందోళనలు చేపడుతున్నట్లు వినతిపత్రంలో పేర్కొన్నారు.
ఈ వినతిపత్రం అందజేసిన వారిలో అమలాపురం దస్తావేజు లేఖర్ల సంఘ అధ్యక్షులు జున్నూరి సురేష్, గౌరవ అధ్యక్షులు గుంటు ఫణిప్రసాద్, గనిశెట్టి బోగిరాజు, దుర్గేష్, అడపా భూషణం, బండి రాజు, మట్టపర్తి రాము, బొర్రా వెంకటేశ్వరరావు, మడుపల్లి మూర్తి, గోపాలం, సిరిపల్లి మూర్తి, సుబ్బయ్య, రాజా, శివ, సహాయకులు, టైపిస్టులు, ఇతర సంఘ సభ్యులు పాల్గొన్నారు.
