భద్రాద్రి కొత్తగూడెం జిల్లా చర్ల మండలం ఉంజుపల్లి ఎస్టీ బాయ్స్ హాస్టల్లో విద్యార్థులకు మత్తు పదార్థాల దుష్ప్రభావాలు, వాటి వల్ల కలిగే అనర్థాలు, బానిసత్వం నుంచి బయటపడే మార్గాలపై అవగాహన కార్యక్రమం నిర్వహించారు. ప్రాథమిక ఆరోగ్య కేంద్రం హోమియో మెడికల్ ఆఫీసర్ డాక్టర్ పూజ ఈ కార్యక్రమానికి ఆధ్వర్యo వహించారు.
షెడ్యూల్డ్ ఏరియాలో పెసా గ్రామసభ అత్యున్నతమైనదని, కేంద్ర, రాష్ట్ర ప్రభుత్వాలు ఐదో షెడ్యూల్ ప్రాంతంలో రాజ్యాంగబద్ధ పాలన కొనసాగించడంలో వివక్షత చూపుతున్నాయని ఆదివాసీ నవనిర్మాణ సేన ములుగు జిల్లా కన్వీనర్ కుంజ మహేష్ పేర్కొన్నారు. కొండాపురం గ్రామంలో మంగళవారం పెసా గ్రామసభ నిర్వహించినట్లు తెలిపారు. ఈ గ్రామసభ తీర్మానాన్ని బుధవారం ములుగు జిల్లా కలెక్టర్ హన్మంత్ కు మెమోరణ అందజేశారు.
దేశంలో పాలకులు మారుతున్నా రైతుల జీవితాల్లో మార్పు రావడం లేదని, అలాంటి రైతాంగం కోసం అహర్నిశలు శ్రమించి, వారి హక్కుల కోసం జీవితాన్ని త్యాగం చేసిన ఆదర్శ రైతుల పక్షపాతి, అమరుడు రాయల చంద్రశేఖర్ రెండో వర్ధంతి సభ భద్రాచలం డివిజన్ పార్టీ ఆఫీసులో ఘనంగా జరిగింది. ఈ సందర్భంగా కామ్రేడ్ రాయల చంద్రశేఖర్ అన్న ఆశయాలను సాధిద్దామని సీపీఐ (ఎంఎల్) మాస్ లైన్ పార్టీ రాష్ట్ర సెక్రటేరియట్ సభ్యులు కె. రంగారెడ్డి పిలుపునిచ్చారు.
భద్రాచలం ఏరియా హాస్పిటల్లో సిబ్బంది కొరత, కనీస సౌకర్యాల లేమి వంటి సమస్యలపై BRS పార్టీ ఆధ్వర్యంలో నిరసన దీక్ష జరిగింది. ఎమ్మెల్యే డాక్టర్ తెల్లం వెంకట్రావు సమస్యలపై దృష్టి సారించడం లేదని పార్టీ నాయకులు ఆరోపించారు.
చర్ల మండలంలోని మారుమూల గిరిజన గ్రామాలైన రామచంద్రపురం, కిష్టారంపాడు ప్రభుత్వ ప్రాథమిక పాఠశాలలకు శాశ్వత భవనాలు నిర్మించాలని కోరుతూ చర్ల మండల యూత్ ఆధ్వర్యంలో జిల్లా విద్యాశాఖ అధికారి (డీఈఓ) వసంతికి బుధవారం వినతిపత్రం అందజేశారు. ప్రస్తుతం పాఠశాలలు సరైన భవనాలు, కనీస వసతులు లేక గుడిసెల్లో కొనసాగుతున్నాయని, వర్షాల వల్ల విద్యార్థులు, ఉపాధ్యాయులు ఇబ్బందులు పడుతున్నారని తెలిపారు.
విద్య ద్వారానే జీవితంలో ఉన్నత శిఖరాలను అధిరోహించవచ్చని, అందుకు సరైన ప్రణాళికతో ముందుకు సాగాలని ములుగు జిల్లా వెంకటాపురం పోలీస్ స్టేషన్ కానిస్టేబుల్ వేమాల ప్రసాద్ విద్యార్థులకు సూచించారు. తన కుమారుడి జన్మదినం సందర్భంగా వనవాసీ కళ్యాణ పరిషత్ కొమరం భీం నిలయ విద్యార్థులకు దుస్తులు, విద్యా సామగ్రి, పండ్లను పంపిణీ చేసిన సందర్భంగా ఆయన ఈ వ్యాఖ్యలు చేశారు.
మిషన్ భగీరథ కార్మికుల సమస్యల పరిష్కారం, కనీస వేతనాల జీవో అమలు, పెండింగ్ లో ఉన్న ప్రావిడెంట్ ఫండ్, ఇన్సూరెన్స్ చెల్లింపులు, సకాలంలో జీతాల చెల్లింపు వంటి డిమాండ్లపై TUCI, ప్రగతిశీల మిషన భగీరథ కాంట్రాక్టు & అవుట్ సోర్సింగ్ వర్కర్స్ యూనియన్ నాయకులు ఆందోళన బాట పట్టారు. 15 రోజుల్లో డిమాండ్లు నెరవేర్చకపోతే ఈ నెల 29 నుంచి సమ్మెకు దిగుతామని హెచ్చరించారు.
ములుగు జిల్లా వెంకటాపురం మండలంలోని పలు ఏజెన్సీ ప్రాంతాల్లో తాగునీటి సమస్యను పరిష్కరించేందుకు కాఫెడ్ స్వచ్ఛంద సేవా సంస్థ, బాలవికాస్ సంస్థల సహకారంతో నూతన బోర్వెల్స్ ఏర్పాటు చేసింది. ప్రభుత్వ నిర్లక్ష్యం నేపథ్యంలో గిరిజనుల దాహార్తిని తీర్చేందుకు ఈ సంస్థలు ముందుకు వచ్చాయి.
ఆటో, మోటార్ కార్మికులందరూ ఐక్యం కావాలని, కేంద్ర, రాష్ట్ర ప్రభుత్వాల కార్మిక, ప్రజా వ్యతిరేక విధానాలను తిప్పి కొట్టాలని తెలంగాణ ప్రోగ్రెసివ్ ఆటో అండ్ మోటార్ వర్కర్స్ యూనియన్(TUCI) రాష్ట్ర కార్యదర్శి పాయం. వెంకన్న పిలుపునిచ్చారు. మణుగూరులో జరిగిన ట్రాక్టర్ డ్రైవర్ల జనరల్ బాడీ సమావేశంలో ఆయన ఈ వ్యాఖ్యలు చేశారు.
చర్లలోని గురుదేవ్ విద్యాలయంలో రాష్ట్రీయ బాల స్వాస్థ్య కార్యక్రమం (ఆర్బీఎస్కే) బృందం ఆధ్వర్యంలో నులిపురుగుల నివారణ కార్యక్రమం జరిగింది. ఈ సందర్భంగా విద్యార్థులకు నులిపురుగుల నివారణ మాత్రలను పంపిణీ చేశారు. ఈ కార్యక్రమంలో ఆర్బీఎస్కే వైద్యులు, ఏఎన్ఎమ్, ఆశా కార్యకర్తలు పాల్గొన్నారు.
మారుమూల అటవీ ప్రాంతాల్లోని పేద విద్యార్థులకు విద్యా సామగ్రిని అందించే లక్ష్యంతో చర్ల మండలం రాళ్లాపురం ప్రభుత్వ పాఠశాలలో ఒక సేవా కార్యక్రమం నిర్వహించారు. డిప్యూటీ కలెక్టర్ మురళి ప్రోత్సాహంతో, వీఐపీ పోలీస్ అకాడమీ చైర్మన్ అశోక్ తన మిత్రులతో కలిసి విద్యార్థులకు స్కూల్ బ్యాగులు, నోట్ పుస్తకాలు, అంగన్వాడీ పిల్లలకు పలకలు పంపిణీ చేశారు.
తేగడ గ్రామంలో 222 సంవత్సరాలకు ఒకసారి వచ్చే అరుదైన శివరాత్రి సందర్భంగా భద్రకాళీ సమేత వీరభద్ర స్వామి దేవాలయంలో ప్రత్యేక పూజలు, అభిషేకాలు, కళ్యాణం నిర్వహించారు. సోమవారం, ఆర్ద్ర నక్షత్రం, మాస శివరాత్రి కలసి రావడంతో ఆలయ నిర్వాహకులు, అర్చకుల ఆధ్వర్యంలో ఉదయం నుంచి ప్రత్యేక కార్యక్రమాలు చేపట్టారు.
తెలంగాణలో ఈ ఏడాది నైరుతి రుతుపవనాలు ఆశించిన స్థాయిలో చురుకుగా లేకపోవడంతో రాష్ట్రవ్యాప్తంగా వర్షపాతం లోటు ఆందోళన కలిగిస్తోంది. జూలై నెల వ్యవసాయానికి అత్యంత కీలకమైన సమయం అయినప్పటికీ, రాష్ట్రంలోని చాలా ప్రాంతాల్లో వర్షాలు అంతంత మాత్రంగానే కురుస్తున్నాయి. దీంతో రైతులు ఖరీఫ్ సాగుపై ఆందోళన వ్యక్తం చేస్తున్నారు.
భద్రాచలం నియోజకవర్గంలో కీలకమైన తాళిపేరు చిన్న నీటిపారుదల ప్రాజెక్టు అన్ని గేట్లను మూసివేసి, సంపూర్ణ నీటిమట్టంతో సిద్ధంగా ఉంది. ఈ నెల 15వ తేదీ, బుధవారం నాడు ఎమ్మెల్యే తెల్లం వెంకటరావు చేతుల మీదుగా నీటి విడుదలకు అధికారులు ఏర్పాట్లు చేశారు. రైతులు ఈ అవకాశాన్ని సద్వినియోగం చేసుకోవాలని ప్రభుత్వం సూచించింది.
శ్రీ వెంకటేశ్వర డిగ్రీ కళాశాల 22వ వార్షికోత్సవాన్ని కళాశాల యజమాన్యం, ఉపాధ్యాయులు, విద్యార్థులు కలిసి ఘనంగా నిర్వహించారు. ఈ వేడుకల్లో విద్యార్థులు ప్రదర్శించిన సాంస్కృతిక కార్యక్రమాలు ఆకట్టుకున్నాయి. పలువురు ప్రముఖులను సత్కరించారు.
పౌరుల భావ ప్రకటనా స్వేచ్ఛను అణచివేస్తూ, ప్రశ్నించే వారిపై అక్రమ కేసులు బనాయిస్తున్నారని ఆరోపిస్తూ ‘ప్రజాసంఘాల ఐక్య వేదిక’ ఆధ్వర్యంలో అమలాపురంలో నిరసన ప్రదర్శన జరిగింది. ప్రముఖ యూట్యూబర్ ‘ప్రశ్న రావణ్’పై వరస కేసులు, దేశద్రోహం వంటి కఠినమైన ‘ఉపా’ (UAPA) చట్టాన్ని ప్రయోగించడాన్ని నిరసిస్తూ ఈ ఆందోళన చేపట్టారు.
అంబేద్కర్ కోనసీమ జిల్లాలో భర్తపై భార్య యాసిడ్ పోసిన దారుణం చోటు చేసుకుంది. ముమ్మిడివరం తానే లంక గోపాలరావుపేటకు చెందిన పారుపల్లి అర్జున్ కుమార్ పై అతని భార్య దుర్గా భవాని బాత్రూంలో వాడే యాసిడ్ పోసింది. ఈ ఘటనలో తీవ్రంగా గాయపడిన అర్జున్ కుమార్ ప్రస్తుతం అమలాపురం ఏరియా హాస్పిటల్ లో చికిత్స పొందుతున్నాడు.
అక్రమ మట్టి రవాణాను అడ్డుకుంటూ కొత్తపేట పోలీసులు కీలక చర్యలు చేపట్టారు. అంబేద్కర్ కోనసీమ జిల్లా కొత్తపేట మండలం వానపల్లి గ్రామంలో మట్టిని అక్రమంగా తరలిస్తున్న రెండు లారీలను పోలీసులు స్వాధీనం చేసుకున్నారు. ఈ ఘటనపై కేసు నమోదు చేసి, మైన్స్ శాఖ అధికారులకు అప్పగించారు.
ముమ్మిడివరం ప్రభుత్వ ఆసుపత్రి వెనుక పిచ్చిమొక్కలు, డొంకలతో నిండి విషసర్పాలకు నివాసంగా మారిన ప్రాంగణాన్ని మున్సిపల్ కమిషనర్ రవివర్మ చొరవతో శుభ్రం చేయించిన ఘటనపై మాల మహానాడు రాష్ట్ర కార్యదర్శి చీకురుమెల్లి రవికుమార్ హర్షం వ్యక్తం చేశారు. అదే సమయంలో ప్రసూతి వార్డులోని అంతర్గత సమస్యలను పరిష్కరించాలని ఆయన డిమాండ్ చేశారు.
ప్రభుత్వ విద్యారంగ సమస్యల పరిష్కారాన్ని డిమాండ్ చేస్తూ ఎస్ఎఫ్ఐ రాష్ట్ర కమిటీ పిలుపు మేరకు వెంకటాపురం మండల వ్యాప్తంగా శుక్రవారం విద్యాసంస్థల బంద్ విజయవంతమైంది. ఈ బంద్కు ఎస్ఎఫ్ఐ నాయకులు కొప్పుల రవికుమార్ మద్దతు తెలిపారు. ప్రభుత్వ విద్యను నిర్వీర్యం చేసే విధానాలను విరమించుకోవాలని ఆయన డిమాండ్ చేశారు.