ములుగు, 2026-06-05
ఏెనీాాలలాచటటాగామభలుయాధానయఇవవాలన,వాానగనులువయాలన,థానవనులైూధాాలులచవచచనగొడవానామడమాడచములుగులలావెటాుమడలభవృధధా(ఎీడీవ)ుఈమువన
ఏజెన్సీ ప్రాంతాలలో పేసా చట్టం ప్రకారం గ్రామ సభలకు అత్యంత ప్రాధాన్యత ఇవ్వాలని, తద్వారానే గిరిజనులకు స్వయం పాలన, స్థానిక వనరులపై పూర్తి అధికారాలు కల్పించవచ్చని గొండ్వానా సంక్షేమ పరిషత్ డిమాండ్ చేసింది. ములుగు జిల్లా వెంకటాపురం మండల పరిషత్ అభివృద్ధి అధికారి (ఎంపీడీవో)కు ఈ మేరకు వినతి పత్రం అందజేశారు ఏజెన్సీ గ్రామాల అభివృద్ధికి పేసా గ్రామ సభల నిర్వహణలు తప్పనిసరి అని, 1/70 చట్టానికి విరుద్ధంగా అక్రమ వలసదారులకు ఇంటి పన్నులు, నిర్మాణ అనుమతులు ఇవ్వకూడదని మండల అధికారులను కోరారు
గిరిజనుల హక్కులు, అధికారాలు
ఈ సందర్భంగా గొండ్వానా సంక్షేమ పరిషత్ రాష్ట్ర ప్రధాన కార్యదర్శి పూనెం సాయి, జిల్లా అధ్యక్షుడు పూనెం ప్రతాప్ మాట్లాడుతూ.. పేసా గ్రామ సభలకు ముఖ్యమైన అధికారాలు ఉంటాయని తెలిపారు. ఆదివాసి భూములు అన్యాక్రాంతం కాకుండా కాపాడటం, కోల్పోయిన భూమిని వెనక్కి తీసుకోవడం, చిన్న తరహా అటవీ ఉత్పత్తులపై పూర్తి యాజమాన్య హక్కులు కలిగి ఉండటం వంటివి గ్రామ సభల పరిధిలోనివేనని పేర్కొన్నారు. గ్రామంలో చేపట్టే అభివృద్ధి పనులు, ప్రాజెక్టులు, లబ్ధిదారుల ఎంపిక వంటి అన్నింటికీ పేసా గ్రామ సభల ఆమోదం తప్పనిసరిగా ఉండాలని అధికార యంత్రాంగానికి సూచించారు.
1/70 చట్టం అమలు, వలసదారులపై ఆంక్షలు
1/70 చట్టానికి విరుద్ధంగా గిరిజనేతరుల భూముల విక్రయాలపై, వారి అక్రమ నిర్మాణాలపై ఎల్.టి.ఆర్ కేసులు నమోదు చేసి, ఇంటి పన్నులను నియంత్రించాలని పరిషత్ సభ్యులు కోరారు. ఆంధ్ర ప్రాంతం నుండి వలస వస్తున్న గిరిజనేతరులకు ఎలాంటి హక్కులు కల్పించరాదని, వారికి ఎలాంటి కాంట్రాక్ట్ పనులు కేటాయించరాదని, ఆ కాంట్రాక్టులు కేవలం ఆదివాసీలకే దక్కాలని వెంకటాపురం మండల సర్పంచులను కోరారు. వలస నిరోధక చట్టాన్ని పటిష్టంగా అమలు చేయాలని, ఏజెన్సీ గ్రామాల్లోని సామాజిక వనరుల నిర్వహణ బాధ్యత పేసా గ్రామ సభదేనని స్పష్టం చేశారు.
భవిష్యత్ కార్యాచరణ హెచ్చరిక
రాబోయే రోజుల్లో పేసా గ్రామ సభలకు తగిన ప్రాధాన్యత ఇవ్వాలని, లేనిపక్షంలో ఆదివాసి సంఘాల ఆధ్వర్యంలో ప్రభుత్వం దృష్టికి సమస్యను తీసుకెళ్లేలా అనేక ఆందోళన కార్యక్రమాలు చేపడతామని ఈ సందర్భంగా హెచ్చరించారు. ఏజెన్సీ ప్రాంతాల సమగ్రాభివృద్ధికి పేసా చట్టం అమలు అత్యంత ఆవశ్యకమని, దీనిపై అధికారులు దృష్టి సారించాలని వారు విజ్ఞప్తి చేశారు.
