భద్రాచలం నియోజకవర్గంలో ఒక అరుదైన సంఘటన చోటుచేసుకుంది. విద్యుత్ షాక్తో తీవ్రంగా గాయపడి, ప్రాణాపాయ స్థితిలో ఉన్న 28 ఏళ్ల యువకుడికి భద్రాచలం ఏరియా ఆసుపత్రిలో ఎమ్మెల్యే, జనరల్ సర్జన్ డాక్టర్ తెల్లం వెంకటరావు స్వయంగా శస్త్రచికిత్స నిర్వహించారు. ఈ క్లిష్టమైన ఆపరేషన్ విజయవంతం కావడంతో యువకుడికి పునర్జన్మనిచ్చినట్లయింది.
అంబేద్కర్ కోనసీమ జిల్లా రాజోలు మండలం చింతలపల్లి కళింగల వద్ద విద్యార్థులతో వెళ్తున్న కాలేజీ బస్సుకు పెను ప్రమాదం తప్పింది. శ్రీనివాస్ ఇంజనీరింగ్ కాలేజీ బస్సును ఒక స్విఫ్ట్ కారు (AP05 CR 9729) ఢీకొట్టింది. ఈ ఘటనలో విద్యార్థులకు ఎటువంటి గాయాలు కాలేదు.
ఖమ్మం జిల్లా వైరా మండలంలోని స్టేజి పినపాక గ్రామ సమీపంలో జాతీయ రహదారిపై వైరా బ్రిడ్జి ఇరువైపులా వైరా మున్సిపాలిటీ చెత్తను పారవేయడంతో ప్రయాణికులు, గ్రామస్థులు తీవ్ర ఇబ్బందులు పడుతున్నారు. చెత్తకుప్పల దుర్గంధం, దహనం వల్ల వచ్చే పొగతో ప్రయాణం దుర్భరంగా మారింది.
ఏలూరు జిల్లా చింతలపూడి ఎస్సీ బాలికల హాస్టల్లో దుప్పటి అడిగినందుకు ఒక బాలికను రాత్రి 10 గంటలకు ఇంటికి పంపిన వార్డెన్ స్వప్నపై జిల్లా కలెక్టర్ వేటు వేశారు. ఈ ఘటనపై విచారణ అనంతరం వార్డెన్ను సస్పెండ్ చేస్తూ కలెక్టర్ ఆదేశాలు జారీ చేశారు. విద్యార్థినుల భద్రత విషయంలో నిర్లక్ష్యాన్ని సహించబోమని కలెక్టర్ స్పష్టం చేశారు.
మాజీ ఇంటెలిజెన్స్ చీఫ్ పి.వి. సునీల్ కుమార్ పై సస్పెన్షన్ ఎత్తివేస్తూ ప్రభుత్వం ఉత్తర్వులు జారీ చేసింది. జూన్ 30న పదవీ విరమణ నేపథ్యంలో ఈ నిర్ణయం తీసుకున్నారు. పెండింగ్లో ఉన్న శాఖాపరమైన, క్రిమినల్ విచారణలు మాత్రం కొనసాగుతాయని స్పష్టం చేశారు.
ఉప్పలగుప్తం మండలం పెద్దూరు గ్రామ పరిధిలోని మాల మాదిగ పేటలకు తక్షణమే రహదారి కల్పించాలని కోరుతూ అంబేద్కర్ కోనసీమ జిల్లా కలెక్టరేట్ వద్ద గ్రామస్తులు సోమవారం నిరసన తెలిపారు. బీఎస్పీ పార్టీ అమలాపురం నియోజకవర్గ ఇన్చార్జి పోలమూరి మోహన్ ఆధ్వర్యంలో ఈ నిరసన జరిగింది. ప్రభుత్వాలు మారినా మాల, మాదిగలు నివసించే ప్రాంతాలకు రహదారులు లేవని నినదించారు.
అమలాపురంలో మద్యం సేవించి వాహనాలు నడిపిన 14 మందికి స్థానిక స్పెషల్ జ్యూడిషల్ సెకండ్ క్లాస్ మేజిస్ట్రేట్ కోర్టు భారీ జరిమానాలు విధించింది. డ్రంకెన్ డ్రైవ్ తనిఖీల్లో పట్టుబడిన వీరిని మేజిస్ట్రేట్ చామకూరి నాగేశ్వరావు ఎదుట హాజరుపరచగా, మొత్తం రూ.1,45,000 జరిమానా విధించారు.
శాశ్వత పరిష్కారం చూపాలంటున్న గ్రామస్తులు
వైరా మండలం స్టేజి పినపాక గ్రామ పరిధిలోని జాతీయ రహదారిలో ఉన్న వైరాబ్రిడ్జి వద్ద వైరా మున్సిపాలిటీ చెత్తతో నిండిపోతోంది. చెత్తను కాల్చడం వలన రహదారి పొగతో నిండిపోయి, ప్రయాణికులు ప్రమాదాలకు గురవుతున్నారని, ఆరోగ్య సమస్యలు ఎదుర్కొంటున్నారని గ్రామస్తులు, ప్రయాణికులు ఆరోపిస్తున్నారు.
తెలంగాణ సరిహద్దుల్లో లంబాడీల స్వర్ణోత్సవ బస్సు యాత్రను అడ్డుకుంటామని, బద్దలు కొట్టడానికి యువత సిద్ధంగా ఉండాలని తుడుందెబ్బ రాష్ట్ర అధ్యక్షులు డాక్టర్ మైపతి అరుణ్ కుమార్ పిలుపునిచ్చారు. చర్ల మండల కేంద్రంలో తుడుందెబ్బ రాష్ట్ర కమిటీ రోడ్డు దిగ్బంధం చేసి నిరసన తెలిపింది. లంబాడీలు రిజర్వేషన్లను దుర్వినియోగం చేస్తున్నారని ఆరోపించారు.
బేడ.బుడగ జంగం కులస్తులకు ఎస్సీ సర్టిఫికెట్లు మంజూరు చేయాలని కోరుతూ విద్యార్థులు సోమవారం కోనసీమ జిల్లా కలెక్టరేట్ వద్ద నిరసన తెలిపారు. ఈ నిరసనకు మద్దతుగా వర్కర్స్ పార్టీ ఆఫ్ ఇండియా రాష్ట్ర అధ్యక్షులు దేవాదుల సూర్యనారాయణమూర్తి మాట్లాడుతూ, విద్యార్థులకు సర్టిఫికెట్లు ఇవ్వకపోవడం, రాయితీలు అందక నష్టపోతున్నారని అన్నారు.
భద్రాద్రి కొత్తగూడెం జిల్లా సారపాకలో జరిగిన ద్విచక్ర వాహన ప్రమాదంలో కొడుకును కోల్పోయి, ఆరోగ్య పరిస్థితి విషమించిన చెలికాని ప్రవీణ్కు చిన్ననాటి స్నేహితులు అండగా నిలిచారు. ఆదివారం ఆయన ఇంటికి చేరుకున్న స్నేహితులు, కుటుంబానికి రూ. 55 వేల నగదు, మూడు నెలలకు సరిపడా నిత్యావసర సరుకులను అందజేశారు. మరో బృందం రూ. 10,000 సహాయం చేసింది.
అమలాపురం పట్టణానికి చెందిన బొంతు రమణను విముక్త చిరుతల కక్షి (వీసీకే) రాష్ట్ర డిప్యూటీ జనరల్ సెక్రటరీగా నియమించారు. ఒంగోలులో జరిగిన పార్టీ రాష్ట్ర స్థాయి కౌన్సిల్ సమావేశంలో ఈ మేరకు ఏకగ్రీవంగా ఎన్నుకున్నారు.
మోడీ ఫాసిస్ట్ విధానాలకు వ్యతిరేకంగా, కార్మిక వ్యతిరేక 4 లేబర్ కోడ్స్ రద్దుకై, వేతనాల పెంపుదలకై పోరాడాలని టి యు సి ఐ జిల్లా అధ్యక్షులు ఆర్. మధుసూదన్ రెడ్డి కార్మికులకు పిలుపునిచ్చారు. ఆదివారం స్థానిక టియుసిఐ కార్యాలయంలో జరిగిన మణుగూరు ఏరియా టియుసిఐ ముఖ్య కార్యకర్తల సమావేశంలో ఆయన ఈ వ్యాఖ్యలు చేశారు.
మాజీ ప్రధాని పీవీ నరసింహారావు 103వ జయంతిని పురస్కరించుకుని చర్ల కాంగ్రెస్ పార్టీ కార్యాలయంలో ఘనంగా నివాళులర్పించారు. మండల కాంగ్రెస్ అధ్యక్షుడు విజయ్ నాయుడు ఆధ్వర్యంలో కేక్ కట్ చేసి, పీవీ చిత్రపటానికి పూలమాలలు వేసి ఆయన సేవలను స్మరించుకున్నారు.
చర్ల మండలం కేశపురం గ్రామంలో పల్స్ పోలియో కార్యక్రమాన్ని గ్రామ సర్పంచ్ కాపుల శారద ప్రారంభించారు. 0 నుంచి 5 సంవత్సరాల లోపు ప్రతి చిన్నారికి పోలియో చుక్కలు తప్పనిసరిగా వేయించాలని తల్లిదండ్రులకు ఆమె విజ్ఞప్తి చేశారు.
సత్యనారాయణపురం ప్రాథమిక ఆరోగ్య కేంద్రం పరిధిలోని అంగన్వాడీ కేంద్రంలో ఆదివారం పల్స్ పోలియో కార్యక్రమాన్ని వైద్యాధికారి డాక్టర్ దివ్య నయన ఆధ్వర్యంలో ఘనంగా నిర్వహించారు. ఈ కార్యక్రమానికి ట్రైనీ కలెక్టర్ శ్రీ మురళి (IAS) ముఖ్య అతిథిగా హాజరుకాగా, గ్రామ సర్పంచ్ శ్రీమతి గౌతమి, తహసీల్దార్ శ్రీనివాస్ పాల్గొని చిన్నారులకు పోలియో చుక్కలు వేసి కార్యక్రమాన్ని అధికారికంగా ప్రారంభించారు.
చర్ల గ్రామంలో పల్స్ పోలియో కార్యక్రమాన్ని గ్రామ సర్పంచ్ పూజారి సామ్రాజ్యంతో కలిసి డాక్టర్ హారిక ప్రారంభించారు. 0 నుంచి 5 ఏళ్ల లోపు పిల్లలందరికీ పోలియో చుక్కలు వేయించాలని తల్లిదండ్రులకు వారు విజ్ఞప్తి చేశారు.
చర్ల మండలం కలివేరు గ్రామంలో ఆదివారం నిర్వహించిన పల్స్ పోలియో కార్యక్రమాన్ని గ్రామ సర్పంచ్ తెల్లం లక్ష్మణ్ ప్రారంభించారు. 0 నుంచి 5 సంవత్సరాల లోపు ప్రతి చిన్నారికి తప్పనిసరిగా పల్స్ పోలియో చుక్కలు వేయించాలని ఆయన తల్లిదండ్రులకు విజ్ఞప్తి చేశారు. పోలియో రహిత సమాజ నిర్మాణానికి ప్రతి కుటుంబం సహకరించాలని సూచించారు.
భద్రాద్రి కొత్తగూడెం జిల్లా పోస్ట్ మెట్రిక్ హాస్టల్స్లో పనిచేస్తున్న వర్కర్స్పై షెడ్యూల్డ్ క్యాస్ట్ డిడి శ్రీలత కక్ష సాధింపు చర్యలకు పాల్పడుతున్నారని, ఆమె వెంటనే తన పద్ధతి మార్చుకోవాలని సీపీఐ (ఎంఎల్) న్యూడెమోక్రసీ పార్టీ భద్రాచలం డివిజన్ కార్యదర్శి కామ్రేడ్ ముసలి సతీష్ డిమాండ్ చేశారు. 16 నెలలుగా వేతనాలు చెల్లించకుండా, నిబంధనలకు విరుద్ధంగా ఉద్యోగాలను ఆపివేయడం, బదిలీలు చేయడం వంటి చర్యలను ఆయన ఖండించారు.