ములుగు, 2026-07-18
ములుగు జిల్లా ఏటూరు నాగారం సర్కిల్ ఇన్స్పెక్టర్గా నూతనంగా బాధ్యతలు చేపట్టిన జోడి సూర్య ప్రతాప్ను, జిల్లా బీఆర్ఎస్ పార్టీ అధ్యక్షులు కాకులమర్రి లక్ష్మణ్ బాబు మర్యాదపూర్వకంగా కలిసి ఘనంగా సన్మానించారు. ఈ సందర్భంగా శాంతిభద్రతల పరిరక్షణలో సమర్థవంతంగా విధులు నిర్వహించాలని ఆకాంక్షించారు.
ఏటూరు నాగారం పోలీస్ స్టేషన్లో నూతనంగా బాధ్యతలు స్వీకరించిన సర్కిల్ ఇన్స్పెక్టర్ జోడి సూర్య ప్రతాప్ను ములుగు జిల్లా బీఆర్ఎస్ పార్టీ అధ్యక్షులు కాకులమర్రి లక్ష్మణ్ బాబు మర్యాదపూర్వకంగా కలిసి శాలువాతో సన్మానించి, పుష్పగుచ్ఛం అందించి ఘనంగా శుభాకాంక్షలు తెలిపారు.
ఈ సందర్భంగా కాకులమర్రి లక్ష్మణ్ బాబు మాట్లాడుతూ, ఏటూరు నాగారం ప్రాంతంలో శాంతిభద్రతల పరిరక్షణలో, ప్రజల భద్రతను పర్యవేక్షించడంలో నూతన సిఐ సమర్థవంతంగా విధులు నిర్వహించాలని ఆకాంక్షించారు. పార్టీలకు అతీతంగా, ప్రజలందరికీ అండగా ఉంటూ ప్రజా సమస్యల పరిష్కారంలో పోలీస్ యంత్రాంగం నిబద్ధతతో పని చేయాలని కోరారు. ఈ ప్రాంత అభివృద్ధికి, శాంతి భద్రతలను కాపాడడంలో అందరం కలిసికట్టుగా సహకరించుకుందామని లక్ష్మణ్ బాబు పేర్కొన్నారు.
ఈ కార్యక్రమంలో స్థానిక ప్రజా ప్రతినిధులు, బీఆర్ఎస్ పార్టీ ముఖ్య నాయకులు, కార్యకర్తలు పాల్గొన్నారు.
