నూతన్కల్, 2026-06-05
వలస గిరిజనేతరులు ఎల్టీఆర్ చట్టాన్ని బేఖాతారు చేస్తూ వేలాది ఎకరాల ప్రభుత్వ భూమిని పట్టాలు చేసుకుంటున్నారని, ఇది ఐదో షెడ్యూల్ కు విఘాతం కలిగిస్తోందని ఆదివాసీ నవనిర్మాణ సేన (ఏఎన్ఎస్) రాష్ట్ర అధ్యక్షులు కొర్స నర్సింహా మూర్తి ములుగు జిల్లా కలెక్టర్ హేమంత్ కు మంగళవారం వివరించారు. ప్రభుత్వ భూముల కబ్జాపై సమగ్ర విచారణ చేపట్టి, వలస గిరిజనేతరుల అక్రమ పట్టాలను రద్దు చేయాలని ఆయన కలెక్టర్ ను కోరారు.
వలస గిరిజనేతరులు ఎల్టీఆర్ చట్టాన్ని బేఖాతారు చేస్తూ వేలాది ఎకరాల ప్రభుత్వ భూమిని పట్టాలు చేసుకుంటున్నారని, ఇది ఐదో షెడ్యూల్ కు విఘాతం కలిగిస్తోందని ఆదివాసీ నవనిర్మాణ సేన (ఏఎన్ఎస్) రాష్ట్ర అధ్యక్షులు కొర్స నర్సింహా మూర్తి జిల్లా కలెక్టర్ హేమంత్ కు మంగళవారం వివరించారు. ప్రభుత్వ భూముల కబ్జాపై సమగ్ర విచారణ చేపట్టి, వలస గిరిజనేతరుల అక్రమ పట్టాలను రద్దు చేయాలని ఆయన కలెక్టర్ ను కోరారు.
పంటల మార్పిడి, నీటి యాజమాన్యంపై అవగాహన సదస్సు
నూతన ములుగు జిల్లా కలెక్టరేట్ లో జిల్లా కలెక్టర్ హేమంత్ అధ్యక్షతన ఎల్ నినో ప్రభావం, పంటల మార్పిడి, నీటి యాజమాన్యంపై జరిగిన వివిధ శాఖల అవగాహన సదస్సులో నర్సింహా మూర్తి పాల్గొన్నారు. ఈ సందర్భంగా ఆయన మాట్లాడుతూ, పాలెం వాగు ప్రాజెక్ట్ కాలువ అనేక చోట్ల గండ్లు పడి దిగువ ప్రాంత రైతులకు సాగు నీళ్లు అందే పరిస్థితి లేదని, కాలువ మరమ్మత్తు పనులు చేపట్టాలని కోరారు. డిస్ట్రిబ్యూటర్లకు గేట్లు లేకపోవడం వల్ల నీరంతా వృధా అవుతోందని, చిన్నగాంగారం వద్ద ప్రధాన కాలువకు బుంగపడి నీళ్లు వాగులోకి వెళ్తున్నాయని కలెక్టర్ దృష్టికి తీసుకెళ్లారు.
ప్రాజెక్ట్ నిర్వహణలో నిర్లక్ష్యం
పదివేల ఎకరాలకు సాగు నీళ్లు అందించే ప్రాజెక్ట్ కు కేవలం ఒక లస్కర్ ను మాత్రమే నియమించడం వల్ల సమస్యలు పరిష్కారం కావడం లేదని నర్సింహా మూర్తి తెలిపారు. ప్రాజెక్ట్ అధికారులు అందుబాటులో లేకపోవడం వల్ల నిర్వహణ సమస్యలు తలెత్తుతున్నాయని, అధికారుల నిర్లక్ష్యం కారణంగా గత రెండేళ్లుగా వేలాది ఎకరాల పంటలు ఎండిపోయాయని ఆయన ఆవేదన వ్యక్తం చేశారు. కాలువలో పూడిక తీయించాలని ఆయన సూచించారు.
ఎరువుల ఆన్లైన్ ప్రక్రియపై రైతుల ఆందోళన
ప్రభుత్వం తెచ్చిన ఎరువుల డిజిటల్ ప్రక్రియ ఏజెన్సీ రైతులకు కష్టంగా మారిందని నర్సింహా మూర్తి తెలిపారు. ఫార్మర్ రిజిస్ట్రీ చేసుకొని ఉన్న రైతులు అనేకమంది ఉన్నారని, అరకొర వర్షాలతో ఇబ్బంది పడుతున్న అన్నదాతలకు ఎల్ నినో కంటే పెద్ద సమస్యగా ఎరువుల ఆన్లైన్ విధానం ఉందని అన్నారు. నిరక్ష్యరాస్యత, అమాయకత్వం కలిగిన ఏజెన్సీ రైతులకు సులభతరంగా ఎరువులు అందేలా ప్రభుత్వం చొరవ చూపాలని ఆయన కోరారు.
గిరిజనుల భూముల కబ్జాపై ఫిర్యాదు
వాజేడు, వెంకటాపురం ఏజెన్సీ మండలాల్లో వేలాది ఎకరాల ప్రభుత్వ భూములు, గిరిజనుల భూములను వలస గిరిజనేతరులు కబ్జా చేసి వంశపారంపర్యంగా పట్టాలు పొందుతున్నారని నర్సింహా మూర్తి కలెక్టర్ కు ఫిర్యాదు చేశారు. 1970 తర్వాత ఏజెన్సీ ఏరియాలో వలస గిరిజనేతరులకు పట్టాలు చేయకూడదని చట్టం చెబుతున్నప్పటికీ, ప్రస్తుతం పట్టాలు చేస్తున్నారని ఆయన ఆరోపించారు. ప్రభుత్వ భూముల అన్యాక్రాంతంపై సమగ్ర విచారణ జరపాలని ఆయన డిమాండ్ చేశారు.