రాజోలు / శివకోడు (సహస్ర) జూలై 01
అంబేద్కర్ కోనసీమ జిల్లాలోని శివకోడు నేషనల్ హైవేపై ఖాళీ బ్రాందీ, బీరు సీసాలు పెద్ద ఎత్తున రోడ్డుపై పడిపోవడంతో తీవ్ర కలకలం రేగింది. ఈ సీసాలపై నుంచి వాహనాలు వెళ్లడంతో అవి పగిలి, రహదారి అంతా గాజు పెంకులతో నిండిపోయింది. దీంతో ద్విచక్ర వాహనదారులు, ఇతర ప్రయాణికులు తీవ్ర ఇబ్బందులు ఎదుర్కొన్నారు.
అంబేద్కర్ కోనసీమ జిల్లాలోని శివకోడు నేషనల్ హైవేపై ఖాళీ బ్రాందీ, బీరు సీసాలు పెద్ద ఎత్తున రోడ్డుపై పడిపోవడంతో తీవ్ర కలకలం రేగింది. ఈ సీసాలపై నుంచి వాహనాలు వెళ్లడంతో అవి పగిలి, రహదారి అంతా గాజు పెంకులతో నిండిపోయింది. దీంతో ద్విచక్ర వాహనదారులు, ఇతర ప్రయాణికులు తీవ్ర ఇబ్బందులు ఎదుర్కొన్నారు.
వివరాల్లోకి వెళితే, మద్యం సీసాల లోడ్ తీసుకెళ్తున్న ఓ లారీలో నుంచి సీసాలు జారి రోడ్డుపై పడ్డాయి. లారీ డ్రైవర్ వాహనాన్ని ఆపి దిగి పరిశీలించినప్పటికీ, వాటిని తొలగించే చర్యలు తీసుకోకుండా అక్కడి నుంచి వెళ్లిపోయాడని స్థానికులు తెలిపారు. దీంతో రహదారి ప్రమాదకరంగా మారింది.
ప్రమాదకరంగా మారిన ఈ రహదారిని వెంటనే శుభ్రం చేయాలని, ఘటనపై విచారణ చేపట్టాలని స్థానికులు అధికారులను కోరుతున్నారు.
