భద్రాచలంలో ఇందిరమ్మ ఇంటి గృహప్రవేశం: ఎమ్మెల్యే తెల్లం వెంకట్రావు హాజరు

రాష్ట్ర ప్రభుత్వం అమలు చేస్తున్న ఇందిరమ్మ ఇళ్ల పథకం ద్వారా పేదల సొంతింటి కల నెరవేరుతోందని ఎమ్మెల్యే డాక్టర్ తెల్లం వెంకట్రావు ఈ సందర్భంగా అన్నారు. లబ్ధిదారులైన డేగల ప్రదీప్ - పల్లవి దంపతుల గృహప్రవేశానికి ముఖ్యఅతిథిగా హాజరైన ఆయన, రిబ్బన్ కట్ చేసి నూతన గృహాన్ని ప్రారంభించారు.

ఈ పథకాన్ని మంజూరు చేసినందుకు లబ్ధిదారులు తెలంగాణ రాష్ట్ర ముఖ్యమంత్రి శ్రీ ఎనుమల రేవంత్ రెడ్డి, ఉపముఖ్యమంత్రి శ్రీ మల్లు భట్టి విక్రమార్క, రెవెన్యూ శాఖ - గృహ నిర్మాణ శాఖ మంత్రి శ్రీ పొంగలేటి శ్రీనివాస్ రెడ్డి, మరియు స్థానిక ఎమ్మెల్యే డాక్టర్ తెల్లం వెంకట్రావులకు కృతజ్ఞతలు తెలిపారు.

గృహప్రవేశం సందర్భంగా ఎమ్మెల్యే లబ్ధిదారులకు నూతన వస్త్రాలను అందజేశారు. డేగల ప్రదీప్ - పల్లవి దంపతులు ఎమ్మెల్యేకు శాలువా కప్పి సత్కరించారు. అనంతరం ఎమ్మెల్యే కాలనీ వాసులతో సంభాషించారు.

ఈ కార్యక్రమంలో పార్టీ నాయకులు రత్నం రమాకాంత్, గాడి విజయ్, వేముల అనిల్, లబ్ధిదారుల కుటుంబ సభ్యులు, కాలనీ వాసులు పెద్ద సంఖ్యలో పాల్గొన్నారు.